10.1.09

na lonxa

onte á noite estiven na lonxa literaria de moaña. para quen non o saiba, trátase dun grupo de xente que organiza unha tertulia literaria con escritores para falar dun libro concreto. eles chamáronme para falar de construcións.
é unha tertulia "encadeada". cada autor convidado propón o autor ou autora da seguinte tertulia.
a min propúxome (e agradézollo) verónica martínez delgado.
e eu non vou dicir a quen propuxen para non adiantarme á chamada que a tal persoa recibirá nos próximos días.
a tertulia é interesante: o grupo é heteroxéneo e todos os seus membros len o libro a conciencia e preguntan incisivamente.
quedei con pena de que falamos máis doutras cousas relacionadas coa literatura e menos do libro en si. e penso que o mesmo lles pasou a varios dos que alí estaban.
é o malo de xuntarse a falar de libros que traen polémicas extra-literarias detrás.
de todos os xeitos, a experiencia é moi satisfactoria, non sempre pode un sentarse a conversar abertamente cun grupo de lectores interesados.

2 comentarios:

Blogger albagal dixo...

Pásamolo moi ben contigo!
Saúdos dende a maré salgada do Morraço! ;)

13/1/09 13:56  
Blogger Bambú Blanco dixo...

Bueno... pues parece muy interesante la experiencia. Me ha gustado eso de la tertulia encadenada... es una buena idea. Y bueno... como nota cómica.... Paco Umbral... también quería hablar de su libro :)

14/1/09 13:49  

Enviar um comentário

<< Home